Trokpoddur 12: (Tvær) Fantastiskar Faxe Kondi-hálvfinalur, feitar føroyskar flytingar (út, heim og longri úti) og favorittar

Hetta var ein góður Poddur! Helgi og Sjúrður høvdu eisini valt at gera eina stóra broyting til tólvta trokpoddin:

Hesaferð høvdu Hildarsynirnir hugt eftir dystunum, sum teir skuldu umrøða og høvdu fleiri eygleiðingar enn gitingar fyri einaferðs skyld!

 

Vit taka ígjøgnum allar fýra hálvfinalurnar í Faxe Kondi Steypakappingini, gera okkum ópopulerar í Hoyvík (Og Klaksvík, Havn og alla aðrastaðni) við at tosa erligt um favorittarnar, og taka - eins og vit plagdu - ígjøgnum tey stóru einstaklingaavrikini vit vóru vitni til um vikuskiftið.

 

Vit umrøða transferbumbuna hjá Anniku Fríðheim Petersen, og meta hana upp ímóti teimum størstu føroysku flytingunum annars.

Í Føroyum styrkir H71 seg við útisetum, sum vónandi einamest ætla sær heim at venda. Vit spekulera um hvat hetta hevur og fær at siga.

 

Og sum altíð (fyrr): Vikunnar leikarar og útisetar.